Kinumpirmar ti Office of the Ombudsman ti rekomendasyon ti Department of Justice (DOJ) a mapilaan ti plunder case ni Senator Jinggoy Estrada ken dadduma pay nga opisyal.
Daytoy ket maipanggep iti maatap a naanomalyaan a flood control pojects iti pagilian.
Sigun kenni Assistance Ombudsman Mico Clavano, karaman ni Senator Estrada kadagiti “primary respondents” iti inpila ti DOJ a resolusyon.
Karaman metlaeng iti nasao a listaan ti sigud a Deparment of Public Works and Highways Secretary Manny Bonoan.
Nagkedked paylaeng nga agkomento ni Sen.Estrada seknan iti nasao nga isyu.
Sigun kenkuana, dagiti laengen abogadona ti makasarita seknan iti nasao a kaso.
Maipalagip a malaksid kenni Senator Estrada, immunan nga impakaammo ti Ombudsman a maisagsagana metlaeng dagiti kaso a maipila kontra kenni Senator Chiz Escudero ken sigud a House Speaker ken Leyte 1st District Representative Martin Romualdez.
Iti agdama, ni paylaeng sigud a senator Bong Revilla ken dadduma nga indibidual ti naarestar seknan iti nasao nga isyu. //bombokaren.c.s
