Agtultuloy ti pannakaiwaras ti rice aid kadagiti financially challenged nga indibiduwal pakairamanan dagiti Micro, Small, and Medium Enterprises ken dadduma pay.
Sigun kenni Baguio City Mayor Benjamin Magalong, agarup 8,450 a sako ti bagas ti naiwaras iti umuna a batch.
Iti inisyal a report, agarup 1,500 household manipud kadagiti babbarangay ti District 9 ti nawarasan.
Maipalagip nga agarup 33,000 sako ti tag 50 kilos a bagas ti naisagana a maiwaras iti siudad ti Baguio no sadino naituding a maipaay dagitoy kadagiti financially challenged ita a tawen.
Maipalagip metlaeng a ti City Mayor’s Office- Special Services Division (CMO-SSD) ti direkta a nakicollaborate kadagiti babbarangay tapno maaramid dagiti listaan dagiti kwalipikado a benepisyaryo nga agkasapulan iti subsidiya.
Kadawyan a nagbalin a recipients ket dagiti indigents, paset iti vulnerable sector, ken public utility jeepney drivers.
Ti pannakapili dagiti nasao a benepisyaryo ken pakairamanan dagiti adda iti below poverty line a nakabase iti kwalipikasyon nga inpaulog ti City Social Welfare and Development Office. //Bombo Noveh Organo
