Naapektaranen ti kaadduan a barangay iti siudad ti Baguio gapu iti kinakurang iti suplay iti danum ita a nabara ti panawen, gapuanan tapno mangipatungpal iti naing-inget a rasyon iti Baguio Water District.
Karaman kadagiti naapektaran a lugar ti Barangay Dontogan, Legarda, Upper Quarry, Asin, Pinsao, ken Quezon Hill.
Iti pannakiuman iti Bombo Radyo kenni Engr. Salvador Royeca, general manager iti Baguio Water District, kinunana a nababbaba ti suplay iti danum nu idilig kadagiti napalabas a tawen gapu paylaeng iti agtultuloy a panagadu dagiti konsumer.
Agtultuloy met ti panagrikus dagiti water truck tapno mangiwaras iti suplay kadagiti umili. Nupay kasta, mabalbalanse iti BWD ti distribusion iti danum ken maun-una dagiti lugar a nakaro a naapektaran iti kinakurang iti danum.
Nangipatungpal metlaeng ti Baguio Water District iti nagduduma nga addang tapno marisut ti kasasaad karaman ti programa a “10 Deep Wells a Year” ken “Rainwater Harvesting.”
Agkidkiddaw ti dadaulo iti BWD iti publiko nga agsalimetmet iti panagaramat iti danum, liklikan ti pannakasayang daytoy, ken dagos nga ireport ti aniaman a water leaks tapno maisimpa a dagos.
Naballaagan metlaeng dagiti residente nga agurnong iti danum tunggal adda ti agayos a danum tapno maaddaan iti reserba iti oras iti kinakurang.
