--Ads--
Imparang iti Public Order and Safety Division ti tambak dagiti nakolektar a dangling wires manipod iti agtultuloy a clearing operations iti nagduduma a paset iti siudad ti Baguio.
Temporario a naikabil ken naipaigid dagiti naala a wire iti open space iti Block 4 iti City Market, ngem sigun iti dadaulo iti POSD a ni Daryll Longid, maib-ibusanen iti espasio ti lugar isu’t gapuna a guyguyugoyenna dagiti telecommunications companies nga alaen dagitoy para iti umno a pannakaibelleng.
Dagos met a simmungbat dagiti kompania ken dinalusanda ti lugar.
Sigun kenni Mayor Benjamin Magalong, agtultuloy ti anti-dangling wire operations agingga a mapukaw dagitoy iti siudad para iti kinatalged iti publiko.
