Agyamyaman ti principal ti Bonifacio elementary school a ni Juliet Mamaril iti initiatiba ken programa ti BJMP Male Dormitory a “Handog ng Piitan sa Paaralan (2026 Brigada Eskwela Initiative).
Sigun kenni Mamaril, dakkel a tulong daytoy para kadakuada ken dagiti persons deprived of liberty (PDLs) tapnu mabukel ti selfconfidence ken mariknada nga adda ti value dagitoy kas miembro iti komunidad.
Kabayatanna, kinuna ni Atty. Dexter Ngipol, Jail Chief Inspector, City Jail Warden ti BJMP Male dorm a ti nasao a programa wenno initiatiba ket paset ti mandatory rehabilitatation dagiti PDLs, malaksid iti panggep dagitoy a makatulong iti brigada skwela.
Impetteng ni Ngipol a maysa kadagiti wagas a marehabilitate dagiti PDLs ket babaen ti pannakadevelop ti skills dagitoy bayat a tumultulong dagitoy iti komunidad iti baet nga adda dagitoy iti kulungan.
Innayunna pay a saan laeng a ti nasao a pagadalan ti tulungan dagitoy.
Malaksid ti panagbunagda kadagiti tugawan wenno inya man a nadadael a gamit ti pagadalan ket mangipatulod dagitoy iti personnels ti BJMP a tumulong.//Bombo Noveh Organo
