Kiniddaw ni President Ferdinand Marcos Jr. kadagiti senador a dagos nga agsubli iti trabaho kalpasan a naitantan dagiti plenary session iti Senado gapu iti mapapati a saan a pannakipaset iti majority bloc.
Impaganetget iti presidente a napateg nga agtuloy ti lehislatura gapu iti adu a linteg ken tulong iti gobierno ti agpannuray iti daytoy.
Kinunana a makapadanag ti riribuk iti Senado a sigun kenkuana ket mangitunda iti “disorganization” ken makaapektar iti serbisio publiko.
Impaganetgetna pay nga agtultuloy ti panagandar ti Executive ken Judiciary, isu’t gapuna a saan a maakseptar ti panagsardeng iti trabaho iti lehislatura.
Kinunana nga ad-adalen iti Palasyo dagiti ligal nga addang tapno marisut ti kasasaad, ngem binigbigda ti panagbalin nga co-equal dagiti ahensia iti gobierno.
Kabayatanna, tinubngar daytoy ni Senador Imee Marcos babaen iti panangipaganetgetna nga agtultuloy ti trabaho iti Senado babaen kadagiti committee hearings ken imbestigasion.
