Impeksa ni Mayor Roderick Awingan a nangipaulog dagitoy idi June 1 ti Cease and Desist Order para ti maipropropose a pannaka-ipasdek ti Batching Plant sadiay Sitio Busi, Barangay Beckel, La Trinidad, Benguet.
Malaksid ti dayta, nangbukel dagitoy ti interagency task force a nabilin a mangmonitor iti compliance ti kontractor iti cease and desist order ken ti pannakaileppas ti riprapping.
Inlawlawag ni Mayor nga immunan a nangipaulog dagitoy ti Cease and Desist Order idi bulan ti Pebrero apaman nga ininspekda ti site.
Daytoy ket kalpasana a naawatda ti report a nag-erode daytoy. Nupay kasta, gapu ta nakitada a posible nga agtuloy a ma-erode ti kalsada nu saan a maisimpa daytoy, tinulagda ti kontraktor nga isimpada daytoy ken kabitienda ti nasao a paset ti kalsada.
Iti baet dayta, saanda a ninamnama nga idi Mayo 2026, nag-applyda para iti proposal ti batching plant.
Gapu iti dayta, naalarma dagiti residente ken ti lokal a gobyerno ti Barangay Beckel ken Munisipyo ti La Trinidad.
Kabayatanna, iti laksid ti pannakaipaay ti Environmental Compliance Certificate (ECC), impeksa ti mayor a posible a saan met a makaala dagitoy ti business permit. //Bombo Noveh Organo
