Pinaglibakan ni Sen. Francis “Chiz” Escudero dagiti alegasion nga adda ti kasukat ti pannakikaduana iti bloc nga idadaulwan ni acting Senate President Sherwin Gatchalian.
Karaman kadagiti alegasion ket ti pannakaibasura ti kasona mainaig iti isyu ti flood control.
Sigun kenni Sen. Escudero, nabayagen nga addan dagiti legal a kaso a naipila kontra kenkuana sakbay ti panagsusupiat ti liderato ti Senado.
Impetteng ti Senador a ti legal standing daytoy ket agtaltalinaed iti laksid ti political realignment.
Kabayatanna, patienna a madalusan ti naganna babaen iti korte ken dagiti ahensiya a mangim-imbestigar iti kasona.
Impeksa ni Escudero nga awan ti napolitikaan a pabor, pinansial a panangguyugoy iti likudan ti pangngeddengna a makikadua iti Gatchalian bloc.
Sigun pay kenkuana, tuloy latta dagiti kaso kontra kenkuana babaen kadagiti regular legal channels.
