Agarup 453 a drayber ti napili ti siudad iti siudad ti Baguio ken munisipyo ti La Trinidad para iti umuna a batch iti TUPAD Tuloy Pasada Program ti Department of Labor and Employment – Cordillera.
Sigun kenni Imelda Romanillos, Regional Director ti DOLE-CAR, daytoy a programa ket adda iti sidung ti department order 239-C Series of 2026 no sadino mabayadan dagiti benepisyaryp iti gatad ti minimun wage tapno adda ti kita dagitoy iti innaldaw.
Agpaot met daytoy iti kinse nga aldaw iti innem nga oras manipud iti alas-sais ti agsapa agingga alas-dose ti aldaw.
Iti datos dagitoy, duapulo ket dua a ruta ti nailista para kadagiti benepisyaryo pakairamanan ti Atok Trail Town Proper babaen ti Atok Trail Transport Cooperative; Baguio City- Country Club- Happy Hollow babaen iti Baguio Country Club Happy Hallow Transport Cooperative; Baguio City Plaza to Lourdes Dominican babaen ti Baguio Public Utility Jeepney Transport Corporation; Baguio City Plaza to Guisad babaen iti Dagsian Jitney Operators and Drivers; Baguio Plaza- Fairview babaen ti Baguio City Fairview Operators and Drivers Transport Cooperative; San Carlos Heights Transport Cooperative; Baguio Plaza – Bengao via Sto Niño Subdivision Marcos Highway babaen iti Baguio Plaza- Bengao Sto. Nino Transport Cooperative; Dontogan Sto. Tomas Line babaen iti Kissing Clouds Transportation Corportion ken Sto. Tomas Proper Balacbac Transport Cervice Cooperative; Hillside (Green Transport Eastside Corporation); Km5 Motorpool babaen iti Pico Puguis Transpo Coop; Pinget Line babaen iti Mountaineers Transport Service Cooperative; PMA Kias babae iti Unified ASKPMAJA transport Cooperative; PNR babaen iti Green Transport Eastside Corporation; TPUJ babaen iti Campo Sioco ken Trancoville BAMAPCOM; Baguio Plaza – Camp 7 Camp Seven Transport ; TPUJ Tomay baben iti BAMAPCOM; Baguio- Camp Dangwa, Baguio – Tomay, Baguio-Tiniville, Baguio-Alapang babaen iti BSU & Community Multipurpose Cooperative & Benguet Legendary Transport Corp ken TPUJ- Longlong babaen iti BAMAPCOM.
Innayon ni Romanillos a BAMAPCOM ti nakalista iti kaaduan a benepisyaryo.
Dumanon met iti agarup ₱ 3, 431, 475.00 ti maiwaras kadagiti nadakamat a bilang ti benepisyaryo.
Saan pay a karaman ditoy dagiti PPE ken Micro -Insurance dagitoy no sadino dumanon iti pakabuklan a gatad a ₱3,463, 959.00 ti maipaay para iti first batch beneficiaries.
Impeksana met a tunggal lawas dagitoy a masweldoan iti cash agingga a makumpletoda ti kinse nga aldaw a kontrada dagitoy.
Inlawlawagna met a dagiti pasaeros nga ilugan dagiti nasao a jeep ket agbayad metlaeng kadagiti pamasaheda.
Impakaamo met ni Romanillos nga addanto pay ti second batch no sadino karaman metten dagiti dispatser.
Kabayatanna, naidentify wenno napili dagiti benepisyaryo ti nasao a programa babaen iti panangiendorsi ti LTFRB, lokal a gobyerno ti siudad ti Baguio, ken DSWD. Invalidate met daytoy ti Department of Labor and Employment.
Iti sabali a bangir, ti minimum wage a maala dagiti benepisyaryo ket kukua laeng dagitoy.
Sigun kenni Romanillos, mamonitor dagiti benepisyaryo babaen iti tulong dagiti barangay ken asosasyon tapno masurot ti 6:00 AM-12:00 NN a byahe dagitoy baben iti panagpirmada iti DTR ken Forms a kasapulan metlaeng a macheck.
Inlawlawag ti opisyal nga apaman a madanon ti alas dose ti aldaw, adda meten kadagiti drayber no anya ti aramidenda.
Inyunay-unayna met nga actual days of work ti bayadanda, kayatna a sawen a nu naglangan daytoy ti maysa nga aldaw, saan a mabayadan daytoy.
Iti agdama, ti pay laeng siudad ti Baguio ken Munisipyo ti La Trinidad ti nakitada paylaeng a pangipatungpalan ti nasao a programa ngem posible a maipatungpalto met daytoy kadagiti dadduma pay a lugar nu adda ti mangiendorse ken mangvalidate. //Bombo Noveh Organo
