Namakdaar ti Philippine Institute of Volcanology and Seismology (Phivolcs) a posible nga agtultuloy ti aftershocks iti sumagmamano a lawas agingga iti makabulan kalpasan ti magnitude 7.8 a ginggined a nangdayyeg idiay Sarangani Province ita nga aldaw, Hunio 8, 2026.
Sigun iti Philvolcs, dumanon iti nasurok 130 ti nailista dagitoy nga aftershocks no sadino, kapigsaan ti magnitude 6.7.
Iti baet a nakabsut ti kaaduan kadagiti aftershock, kinuna ti ahensiya a posible a mapasaran ti napigsa a panagdayyeg kadagiti sumaganad nga aldaw.
Kabayatanna, agtaltalinaed nga epektibo ti tsunami warning iti sumagmamano a coastal areas.
Gapu iti dayta, mabalbalakadan dagiti residente nga agnanaed iti asideg ti baybay nga agbakwit a dagus iti kanito a mangipaulog dagiti otoridad iti pakdaar.
Mabalbalakadan metlaeng ti publiko a saan a dagus nga agsubli iti pagtaenganda wenno iti baybay uray no bassit laeng ti dalluyon agsiputa, posible a dakkel dagiti sumarsaruno.
Kabayatanna, makomikom ita dagiti nagduduma nga ahensiya ti gobierno para iti rescue ken relief operations.
Nabilin metlaeng ti Department of Social Welfare and Development (DSWD) nga agisagana iti tulong para kadagiti apektado a residente ken tapno masigurado a nasayaat dagiti evacuation centers.
Iti agdama, nasuspinder ti klase kadagiti sumagmamano nga apektado a lugar bayat maiwanwanawan ti situasyon.
