Inwaragawag ti 11-member House prosecution panel a ti laeng panangidaulo ni Acting Senate President Sherwin Gatchalian ti bigbigenda para iti impeachment trial kontra ken ni Vice President Sara Duterte.
Sigun kenni Lead Prosecutor ken Batangas Rep. Gerville Luistro, surutenda iti liderato a bigbigen iti grupoda iti baet ti agtultuloy a panagsusupiat para iti puwesto a Senate President.
Nagballaag met ni Luistro nga ti kinaadda iti dua a senado ket mabalin a mangpataud iti pannakariro gapu ta saan met nga ipaay ti Konstitusion ti duwa a panangidaulo.
Impaganetget met da House Prosecutor Rep. Chel Diokno ken Spokesperson Rep. Renee Co a nakasaganan ti panel ket mangrugi koman ti trial iti kabiitan a panawen tapno saan a madismaya dagiti tattao nga agur-uray iti resulta ti nasao a trial. //Bombo Khey
