Maragsakan iti indigent group a Katribu ti pangeddeng iti korte iti La Trinidad, Benguet a nangibilin kenni sigud a PRO-Cordillera chief R’win Pagkalinawan nga agbayad iti danyos kenni Windel Bolinget, a sigun kadakuada ket panangpatibker a narisgo ken makadadael ti red-tagging.
Iti pangngeddeng ni Judge Mylene May Adube-Cabuag, nabilin nga agbayad ni Pagkalinawan iti P30,000 moral damages, P20,000 exemplary damages, ken P100,000 attorney’s fees kalpasan a napaneknekan nga adda ti umdas nga ebidensia ni Bolinget iti reklamona a danyos.
Nagramut ti kaso iti reklamo a naipila kontra kenni Bolinget seknan iti maysa a panangpapatay idi 2018 idiay Davao del Norte ken ti mapapati a “shoot-to-kill” order kontra kenkuana.
Ni Pagkalinawan laeng ti pinaboran iti korte nga addaan iti umdas a serbisio iti summons ken naideklara nga “in default.”
Sigun iti Katribu, napateg a balligi ti pangngeddeng para kenni Bolinget ken ti kilusang Cordillera nu diket para metlaeng kadagiti katutubo, aktibista, human rights defenders, ken dadduma pay a kritiko iti gobierno a makapaspasar iti red-tagging.
Impaganetget iti grupo a bigbigbigen metlaeng dagiti institusion, karaman ti Commission on Human Rights ken ti Korte Suprema, dagiti pangta iti red-tagging, a mabalin nga agbunga iti panagbutbuteng, harassment, arbitrary detention, ken dadduma pay a panaglabsing iti karbengan iti tao.
Nagkiddaw metlaeng daytoy iti accountabality para kadagiti karaman iti nasao nga aramid.
