Inwaragawag ti gobierno ti China a pinatawanda iti travel ban ni Philippine Defense Secretary Gilberto Teodoro, ti asawana ken dagiti annakna.
Sigun iti Chinese Foreign Ministry, napatawan iti pannusa ni Teodoro gapu iti maatap a maulit-ulit nga “irresponsable remarks” daytoy kontra iti China.
Innayonda a ti tignay ni Teodoro ket mangdadael iti nainkalintegan nga interes ti China ken mangsabotahe iti relasion ti China ken Pilipinas.
Saklawen ti travel ban ti Chinese mainland, Hong Kong ken Macao.
Maipalagip ni Teodoro ti mangidadaulo kadagiti panagregget a mangparang-ay iti Philippine defense engagements ti pagilian ken ti Estados Unidos.
Maysa metlaeng daytoy kadagiti kritiko iti agresibo nga aramid ti China iti West Philippine Sea.
Saan a daytoy ti umuna a gundaway a nangipaulog ti China iti sanction kontra kadagiti opisial ti pagilian a Pilipinas.
