Pimmusay ti 12 nga indibidual kalpasan a narswek ti naglugananda nga eroplano idiay Butler, Missouri idi June 14, 2026.
Sigun iti Missouri State Highway Patrol, narswek ti eroplano iti asideg ti Butler Memorial Airport.
Amin dagiti pasahero ket pimmusay, pakairaman ti maysa a piloto.
Karaman kadagiti biktima ti 11 nga skydrivers.
Sigun kadagiti otoridad, panggep dagiti biktima nga ag-skydiving idi napasamak ti insidente.
Iti agdama, agtultuloy paylaeng ti imbestigasion nga isaysayangkat dagiti otoridad.
Kabayatanna, saan paylaeng a nangipaay ti Skydive Kansas City iti statement seknan iti napasamak.
Sigun kenni Aviation safety expert Jeff Guzzetti, ti nakapuy a pannakamintener ti maysa a makagapu iti sumagmamano a napalabas a panag-crashed ti eroplano.
Innayonna a dagitoy a kompania ket saan nga agtumtumpal iti high standard sigun kadagiti pagannurotan ti Federal Aviation Administration (FAA).
