Inawat ni Senador Imee Marcos ti panagbalbaliw iti liderato iti Senado kalpasan a nabutosan ni Senador Sherwin Gatchalian kas baro a Senate President.
“Okay, oo,” sungbat ni Marcos idi nadamag nu pabor daytoy iti baro a majority a bukbuklen iti 13 a senador, kasaruno ti panagakar da Senador Joel Villanueva ken Senador Francis “Chiz” Escudero manipod iti sigud a Cayetano bloc.
Immunan a nabutosan ni Gatchalian iti maysa nga special session iti Senado, bayat a ni Senador Vicente “Tito” Sotto III ket Senate President Pro Tempore.
Kabayatanna, nagkiddaw ni Senador Raffy Tulfo kadagiti padana a mammanday-linteg nga ipaigid ti saan a panagkinnaawatan ken agpokus iti trabaho, kagiddan iti panagkiddawda iti pammakawan iti publiko iti nagbalin a riribuk iti uneg iti sumagmamano nga aldaw iti Senado.
