Impaganetget ni Senador Loren Legarda nga agtalinaed daytoy kas Senate President Pro Tempore iti baet iti nagbalin a botos iti sangapulo ket dua a senador a nangiduron kenni Senador Sherwin Gatchalian iti nasao a puwesto.
Iti pannakipasetna iti panagdengngeg iti grupo nga idadauloan da Senador Alan Peter Cayetano ken dadduma pay a kaalyado seknan iti imbestigasion iti flood control anomalies, kinuna ni Legarda nga agtaltalinaed daytoy a kameng iti 24 a senador ken opisial iti Senado.
Nupay kasta, kinunana metlaeng a nakasagana a bummaba iti puesto nu makaala iti sangapulo ket tallo a botos ti grupo a mangkwestunar iti panangidaulona.
Impaganetget pay iti senador a saan a “kapit-tuko” daytoy iti posision ken nakalukat daytoy iti aniaman a lehitimo a panagbaliw iti liderato iti Senado.
