--Ads--
Kumpiyansa ni Ombudsman Jesus Crispin Remulla nga agsubli iti Pilipinas ni Senador Loren Legarda ken ti anakna a ni Batangas Rep. Leandro Leviste kalpasan a nagturongda sadiay France.
Daytoy ket bayat a sangsanguenda ti imbestigasion ti Office of the Ombudsman seknan iti reklamo a plunder ken graft kontra kenni Leviste gapu iti isyu ti renewable energy company daytoy.
Sigun kenni Remulla, patienna nga agsubli ti agina iti pagilian.
Nupay kasta, nagballaag a mabalin a sumango dagitoy iti maitutop a legal nga aksyon no saanda nga agsubli.
Kabayatanna, linawlawagan ni Senador Loren Legarda a ti ipapanawna iti pagilian ket paset ti immun-una a naaprobaran a medical leave manipud Agosto 3 agingga 5, 2026.
