Inawagan ni Ombudsman Jesus Crispin Remulla dagiti Mayor iti pagilian a sukimatenda ti opisina nga adda iti sidong dagitoy.
Daytoy ket gapu iti posible a korapsyon iti local garbage collection ken waste management contracts.
Impeksa ni Remulla a posible a karaman iti kurapsion ti sumagmamano a lokal nga opisina.
Gapu iti dayta, imbilinna a masukimat dagiti opisina a kas iti Local Business Processing Licensing Office, Office of the Building Official ken dadduma pay nga adda iti pannangimaton dagitoy.
Iti nasao a pammilin, inlaksid ni Remulla ti opisina ni Pasig City Mayor Vico Sotto ken Quezon City Mayor Joy Belmonte.
Kabayatanna, inawagan ti Ombudsman ti publiko nga ireport dagiti iregularidad a pakairamanan dagiti mayor ken dagiti lokal nga opisina ti gobierno.
