Indauloan ni Harry Kane ti England iti 4-2 a pangabak kontra iti Croatia iti panaglukat iti kampania iti World Cup Group L idi Miyerkules idiay Arlington, Texas.
Naka-iskor ni Kane iti dua a goal iti umuna a kagudua iti oras iti ay-ayam, bayat a nanginayon da Jude Bellingham ken Marcus Rashford iti saggaysa a goal kalpasan ti halftime.
Nakaipaay iti puntos met da Martin Baturina ken Petar Musa para iti Croatia.
Dua a gundaway a nagtabla iti Croatio ti laban sakbay nga immabante manen ti England iti maikadua a kagudua nga oras iti ay-ayam. Nairekord ti go-ahead goal iti maika-47 a minutos sakbay a sinelyuan ni Rashford ti pangabak iti maika-85 a minutos.
Babaen ti panagballigi, imbales ti England ti pannakaabakda iti Croatia iti semifinals ti 2018 World Cup ken nakagun-od iti napateg a tallo a puntos iti Group L.
