Pinapigsa iti Benguet State University (BSU) iti pannakitinnulong iti Department of Education ken Transcending Institutions and Communities Inc. ti kampania para iti tobacco-free schools ken komunidad iti Benguet.
Iti sidong iti Project MOMMA wenno ti Motivation to quit, Oral-care management, and health education, panggep daytoy a sungbatan ti panagaramat iti sigarilio, vape, ken “momma” wenno betel nut chewing kadagiti agtutubo, nga adda pakainaiganna iti kultura ken addiction.
Sigun iti project lead a ni Jude Tayaben, sansanayenda dagiti manursuro ken health personnel tapno ad-adda nga epektibo a mailawlawag ti tobacco control program kadagiti estudiante.
Ipagpaganetget metlaeng iti proyekto ti kinapateg iti suporta iti pamilia, gaputa adda dagiti sumagmamano nga agtutubo iti agar-aramat iti “momma” ti naapektaran iti kagagaladna iti nagannakda nga agtultuloy nga agar-aramat iti daytoy.
Karaman metlaeng iti kampania ti oral health education ken panangipakita iti epekto iti panagaramat iti tabako ken betel nut tapno maguyugoy dagiti agtutubo a liklikan daytoy.
Agbayag agingga 2028 ti proyekto a panggepna a makabukel iti nalawlawa a pannakaamo dagiti agtutubo a saan a maipaigid ti kultura a naibangon.
