Inyebkas ni Senate President Win Gatchalian ti nalaos a pannakaalarma, danag, ken ladingitna gapu iti agsasaruno nga insidente ti kinaranggas iti uneg dagiti pagadalan iti pagilian.
Daytoy ket kalpasan iti napasamak a shool shooting incident idiay San Jose National High School, Tacloban City a nangitunda iti ipupusay ti talo nga indibidual ken pannakadangran ti lima pay nga indibidual.
Iti maysa nga statement, binabalaw ni Senate President Gatchalian ti nasao nga insidente ken impettengna a saan a rumbeng a mapadasan ti kinaranggas iti uneg dagiti pagadalan, maysa a lugar a rumbeng laeng a natalged para kadagiti estudyante.
“Hindi katanggap-tanggap na umaabot ang ganitong klaseng karahasan sa mga paaralang dapat nagsisilbing ligtas na espasyo,” sigun kenni Senate President Gatchalian. //bombokaren.c.sapirao
