Manamnama a makipaset iti 539 a kabagyan dagiti mapapati a biktima iti extra judicial killings kabayatan iti administrasyon Duterte iti agtultuloy a trial iti International Criminal Court.
Panggep ti partisipasyon dagitoy nga iparang dagiti sitwasyon dagiti nabati a pamilya dagiti mapapati a biktima ti EJK.
Sigun kadagiti mangibagbagi kadagiti biktima, agarup 190 kadagiti nairekord a pimmusay wenno subjected to attemped killing ket maibilbilang kas breadwinners sigun iti mangibagbagi kadagiti biktima.
Inladawan metlaeng ti representative ti epekto ti EJK kadagiti ubbing a nakaimatang iti kinaranggas no sadino sumagmamano kadagitoy ti nakapadas iti bullying ken intimidation seknan kadagiti kabagyanda a maatap a agar-aramat iti ilegal a droga a nairaman iti EJK.
