--Ads--
Dumanon iti 13 nga indibidual ti nagsasaruno a nalmes sadiay France idi June 21, 2026.
Daytoy ket kagiddan ti panagsapul dagiti tattao iti bang-ar manipud iti nakaro a kinabara ti temperatura sadiay.
Sigun iti Civil Safety service, dumanon iti tallo a natataengan ti pimmusay gapu iti nakaro a pudot iti nasao a pagilian.
Mainaig iti dayta, rinnibu a pagadalan ti nangbalbaliw iti eskedyol ti oras ti panageskwela gapu iti kumarkaro a kinabara ti temperatura.
Nangipaulog metlaeng dagiti European authorities iti pakdaar maipapan iti heatwave.
Kabayatanna, nagpakdaar ni French Civil Safety service spokesperson Jerome Boulanger kadagiti turista ken residente ti France nga aglangoy laeng kadagiti natalged tapno maliklikan ti pannakalmes.
