Maragsakan ni Atok Mayor Franklin Smith gapu iti ininot a panagsubli ti turismo iti nasao a munisipyo uray ita a tiempo ti panagtutudo.
Nupay kasta, innaklonna nga ada latta ti epektona ti panagtudtudona iti turismo da nangnagruna kadagiti mula a sabong a saan madadael tunggal panagtutudo. Iti baet dayta, dinakamatna nga addu met latta dagiti sabong kadagiti tourist destinations iti nasao a munisipyo.
Nagbalakad metlaeng ti nasao nga opisyal kadagiti agturturong kadagiti tourist destinations iti nasao a munisipyo nga doble-enda ti panaganadda tapno maliklikan dagiti aksidente ken kitaenda ti kasasaad ti panawen sakbay nga apan iti nasao a lugar.
Impakaamo met ni Mayor Smith a 24/7 a nakalukat dagiti hotlines dagitoy tapno dagos a maaddressan nu adda man dagiti maiyawag a pakaseknan iti nasao a munisipyo. //bombokaren.c.sapirao
