--Ads--
Pormal a nangipila ni sigud a Sen. Antonio Trillanes IV iti cyberlibel complaint iti Department of Justice (DOJ) kontra kada Senador Alan Peter Cayetano ken Senator Rodante Marcoleta.
Pinilaanna metlaeng iti reklamo dagiti 18 nga Ex-Marines a nagpaam-ammo kas sigud a bodyguard ni former Ako Bicol party-list Rep. Zaldy Co.
Ti pannakaipila ti kaso ket mainaig iti Blue Ribbon Committee hearing nga insayangkat ti Cayetano bloc idi Hunio 4, 2026.
Iti nasao a reklamo, kinuna ni Trillanes nga adda ti nalawag a panagkukumplot dagiti nadakamat a senador ken dagiti 18 nga indibidual tapno madadael daytoy.
Innayon pay ni Trillanes nga awan ti parliamentary immunity wenno turay dagiti nadakamat a senador a mangisayangkat iti nasao a hearing.
