Nagballaaag ni Senator-Judge Alan Peter Cayetano a mabalin nga agtennag iti mistrial ti impeachment trial ni Vice President Sara Duterte iti kanito a mabaliwan ti voting threshold bayat iti panagtultuloy ti hearing.
Sigun kenni Cayetano, kasapulan nga agtalianed dagiti pagalagadan a naituding iti panagrugrugi ti trial.
Impettengna a saanna kayat a maibasura laeng dagiti nagbalin a proceedings ti senate impeachment court gapu laeng iti panagbaliw iti voting requirement.
Sigun iti mannarimaan a ruling ni Presiding Officer Francis Escudero, kasapulan ti 16 a botos tapno maconvict ni VP Sara, katukad daytoy iti 2/3 ti 23 a member state.
Rinnumuwar ti nasao nga isyu kalpasan a kinuwestionaran ni Senator Erwin Tulfo nu rumbeng nga iraman dagiti senator-judges a saan a nakipaset iti proceedings.
Gapu iti daytoy, nagkiddaw ti impeachment court iti opinyon dagiti retired Supreme Court magistrates a nagserbi kas Amici Curae seknan iti interpretasyon ti constitutional reqiuirement a “Two-thirds of all the members of the Senate.”
Impetteng metlaeng ni Cayetano a raraemenda dagiti legal experts ngem patienna a kasapulan a ti Korte Suprema a mismo ti mangrisut kadagiti constitutional questions.
Mainaig iti dayta, naituding met ti oral argument ti prosekusyon ken depensa inton Setiembre 23 sakbay nga agdesisyon ti impeachment court nu pagtalinaeden wenno mabaliwan ti 16-vote ruling.
