Dumanon iti nasurok 1,000 nga artworks manipod iti 140 nga artist ti tampok iti “Art for Everyone” iti kadakkelan a mall iti siudad ti Baguio, a mangitamtampok dagiti painting, mixed media, solar artworks, ken arts a naaramid iti recycled materials.
Maikatlon a tawenen iti programa iti Pasa-Kalye Group of Artists ti exhibit, a panggepna nga iyasideg ti sining iti publiko ken ikkaten ti kapanunotan a daytoy laeng ket para kadagiti gallery.
Sigun kenni Pasa-Kalye president Maricar Docyogen, napateg ti panangilako iti artworks kas rukod iti panangapresyar iti publiko, kagiddan ti panangipaay iti kinapateg iti sining kas therapy ken tulong iti mental health, karaman dagiti artist nga addaan iti autism spectrum disorder.
Kinuna met iti management iti kadakkelan a mall a ti nasao a lugar ket maysa kadagiti kangrunaan a tourist destinations iti siudad a mangipapaay iti nalawlawa nga exposure kadagiti local artist.
Ti exhibit ket agbayag agingga inton Hulio 10, 2026.
Photo courtesy: Pasa-Kalye Group of Artists
