Maramrambakan ita a bulan ti Hunio ti Men’s Health Month iti pagilian nga addaan iti tema a “YOU Matter,” kas palagip iti kinapateg iti panangaywan iti salun-at dagiti lallaki.
Sigun kenni Dr. Khecy Colas iti Baguio City Health Services Office (CHSO), ad-adda nga ababa paylaeng ti life expectancy dagiti lallaki a Pilipino ken agtaltalinaed a vulnerable kadagiti non-communicable disease a kas iti sakit iti puso, stroke, ken diabetes.
Kinunana a kaaduan kadagitoy ket maliklikan babaen iti umno a panagbiag, regular a panagkonsulta iti doktor, ken nasapa a panagpacheck-up.
Mangidiadiaya ti 16 district health centers iti siudad ti Baguio iti libre a risk assessment ken konsultasyon.
Iti sidong iti Universal Health Care Law at Yaman ng Kalusugan Program (YAKAP), libre metlaeng ti napili a laboratory tests, cancer screening, maintenance medicines, smoking cessation services, ken nutrition counseling.
