Kinumpirmar ti Philipine National Police (PNP) a nanayunan pay dagiti kaso nga inrekomendada kontra kadagiti indibidual a posible nga adda pakainaiganna iti ipupusay ti dua nga Ateneo student-athlete a da Rene Baterbonia ken Divine Adili.
Sigun iti Criminal Investigation and Detection Group (CIDG), innayonda ti kaso a homicide kontra kenni Tab Baldwin ken Reckless Imprudence Resulting to Multiple Homicide met kontra iti walo pay nga indibidual.
Dagiti nasao a kaso ket nainayon iti kaso a pananglabsing iti Anti-Hazing Law a nairekomendar iti napalabas a lawas kontra kenni Baldwin ken sangapulo pay nga indibidual.
I-evaluate met ti Department of Justice (DOJ) dagiti nainayun a kaso.
Kagiddan dayta, impasigurado ni Philippine National Police General General Jose Melencio Nartatez Jr kadagiti kapamilya dagiti pimmusay nga atleta a maipaay ti hustisya para kadakuada. //bombokaren.c.sapirao
