“Regional Autonomy is our ultimate goal”
Dayta ti nagbalin a maymaysa a mensahe ti naipatungpal a kick off program ti 39th Cordillera Month itay sadiay Benguet Sports Complex no sadino ti probinsya ti Benguet ti agserbi kas host ita a tawen.
Iti mensahe dagiti opisyales, nupay nagduduma ti nagapuan a paset ti Rehiyon Cordillera, gapu iti determinasyon ken sustainable progress, agmaymaysa amin nga opisyales ken umili ti nasao a rehiyon.
Kabayatanna, ti tema ti selebrasyon ket” Smart Cordillera: Enabling Local Enterprises through digital transformation and Accelerated Regional Autonomy.
Iti solidarity message dagiti nagduduma a gobernador ken opisyales ti Rehiyon Cordillera, impeksada a mamati dagitoy a ti pudno a development ket marukod babaen iti pannakabukel dagiti oportunidad para iti rehiyon, pannakaempower dagiti mannalon, entrepreneurs, ken panangsigurado nga amin a talento ken skills dagiti Cordilleran ket maiparangarang.
Impettengda a nupay nagduduma dagiti lenguahe, istorya ken tradisyon iti rehiyon, napaymaymaya daytoy ti identidad ken aspiration kas maysa a maawagan kas Rehiyon Cordillera.
Innayon pay dagitoy a nasken a raemen ken bigbigen dagiti ancestors a nagsakripisyo para iti panagprogreso ti rehiyon.
Nadakamat pay kadagiti mensahe a dagiti karit a mapaspasaran ita ken naiduma kadagiti karit a napasaran dagiti ancestor ngem dagiti ugali ti nangipaay iti panagmaymaysa, kinagaget, ken resilience kadagiti komunidad iti rehiyon.
Inyunay-unay pay dagitoy a saan kuma a lipatan dagiti nainsigidan a tradisyon nu diket mangsapul kitdi iti kasayaatan a pamay-an tapno mapreserba dagitoy bayat a mabukbukel ti adaddu pay nga oportunidad kadagiti umili.
Binigbig met dagitoy a makaipaay dagiti teknolohiya iti tulong kadagiti mannalon, artisans, kooperatiba, negosyo ken dadduma pay babaen iti panakapasayaat ti pagbiyagan ken nalawlawa a market bayat a mapagtaltalinaed ti skills ken tradisyon a manangar-aramid iti Cordillera kas naidumduma a rehiyon.
Iti sabali a bangir, ti nasao a programa ket dinar-ayan ti nagduduma nga opisyales manipud iti entiro a rehiyon ken nagdudum nga ahensya ti gobyerno.
Impetteng met ni Benguet Vice Governor Mary Rose Kepes ti kinapateg ti pananglagip iti nagapuan.
“Digitial transform is our tool but regional autonomy is our ultimate goal”, sigun kenkuana. // Bombo Noveh Organo
