Kumpiyansa nga inwaragawag ni Senator Rodante Marcoleta kabayatan iti Iglesia ni Cristo Rally a nakasagana daytoy a maibalud.
Immunan a kinumpirmar ti INC a ti nasao a rally ket tapno suportaran ni Senator Marcoleta gapu iti panggep ti Office of the Ombudsman a pilaanda daytoy iti kaso a plunder gapu iti pakainaiganna iti maatap nga iregularidad ti election campaign funds daytoy.
“Nakahanda po akong magpakulong. Kung kinakailangang maaresto po ako, wala pong problema,” sigun kenni Sen. Marcoleta.
Impetteng pay ti nasao a senador a nakasagana daytoy a sumango iti anyaman a reklamo a maipila kontra kenkuana.
Iti agdama, awan pay laeng ti desisyon ti korte seknan kadagiti alegasyon kontra iti nasao a senador.
Agtaltalinaed metlaeng ti presumption of innocence ti nasao a senador agingga saan a mapaneknekan a guilty daytoy. //bombokaren.c.sapirao
