Temporaryo pay laeng nga in-eskedyul ti Sandiganbayan Third Division ti panadengngeg iti preventive suspension ni Senator Rodante Marcoleta iti Agosto 18.
Kabayatanna, naituding met ti bail petition daytoy para iti kaso na a plunder inton Setiembre 3.
Daytoy ti inwaragawag ni Sandiganbayan Third Division chairperson Associate Justice Karl Miranda kagidan iti pretrial proceedings ni Marcoleta ken ti tallo pay a kaduana iti non-bailable case.
Sakbay dayta, immuna metten nga inbilin ti korte kenni Marcoleta nga agpallawag daytoy nu apay a saan daytoy a temporaryo a masuspindir kas senador.
Nangisumitir met ni Sen. Marcoleta ti manifestation na idi Agosto 3 a mangkidkiddaw a lapdan ti panangi-isyu iti preventive suspension ngem agingga ita awan pay laeng ti komento ti prosekusyon.
Nu maipapan met iti bail petition, kinumpirma ni Miranda a nangipila ni Marcoleta ken dagiti kakaduana iti bukod da a petisyon tapno makapagpiyansa.
Maipalagip a sumangsango da Marcoleta , sigud a mammanday-linteg Mike Defensor, Joseph Espiritu ken Aristotle Viray iti kaso a plunder seknan iti saanda a panangideklara iti P75 milyon a campaign donations ti senador iti 2025 elections. //bombokaren.c.sapirao
