Maatap nga awan paylaeng ti addang ti Senado tapno marisut ti isyu seknan iti partisipasyon da Senator Jinggoy Estrada ken Rodante Marcoleta iti impeachment trial kontra kenni Vice President Sara Duterte.
Sigun iti pannakangiwat ti impeachment court a ni Atty. Reginald Tongol, immunan a kinuna ni Presiding Officer Francis “Chiz” Escudero a saan a ti impeachment court ti umno a forum tapno mapagsaritaan ti isyu, no di ket ti Senado kas legislative body.
Iti baet dayta, kinuna ni Tongol nga awan paylaeng kadagiti Senador ti nangidatag iti nasao nga isyu tapno pagsaritaanda no makipartisiparda Estrada ken Marcoleta iti impeachment trial.
Inlawlawag ni Tongol a kasapulan a malpas ti 90-day preventive suspension ni Estrada ken kasapulan a patgan ti Sandiganbayan nga agpiyansa sakbay a makipaset iti impeachment trial.
Kabayatanna, awan paylaeng ti naipadamag nga addang ti Senado seknan iti posibilidad a makiparsipar met ni Senator Rodante Marcoleta iti impeachment trial ti bise presidente.
