Makaala iti temporario a trabaho ti 26 a senior citizens ken 13 persons with disabilities (PWDs) iti sidong iti baro nga employment program iti gobierno iti pannakitinnulongda iti sangapulo ket tallo (13) a fast-food branches iti siudad ti Baguio.
Sigun iti Public Employment Services Office (PESO), panggep iti programa a maipaayan iti oportunidad iti trabaho dagiti karaman iti vulnerable sectors babaen iti customer service ken support roles kadagiti makipaset iti establisimiento.
Kasapulan a dumalan iti screening ken medical examination dagiti aplikante tapno maipasigurado a dagitoy ket “fit to work,” karaman dagiti senior citizens a rumbeng ket agtawen iti 60 agpangato ken awanan iti pension, ken dagiti PWD nga agtawen iti 18 agpangato a kabaelanna nga aramiden ti maipaaramid kadakuada.
Dagiti maawat ket agtrabaho iti agingga iti innem a bulan, addan iti pro-rated a sueldo a maitunos iti minimum wage, karaman ti 13th-month pay ken medical insurance.
Madutukanda kadagiti trabaho a kas iti order assistance, table management, ken guest relations.
Immunan a nagpinnirma iti siudad iti maysa a katulagan kadua ti 13 fast-food companies tapno ipatungpal ti nasao a programa a panggepna nga ital-o ti inclusive employee para kadagiti senior ken PWD iti sidong iti panangidaulo ni Mayor Benjamin Magalong.
