Impablaak iti City Veterinary and Agriculture Office ti iskedyul iti libre a rabies vaccination para kadagiti taraken nga aso ken pusa a nangrugi idi Hulio 1 agingga 10, 2026, tunggal 8:30 iti agsapa agingga 12:00 iti pangaldaw.
Panggep iti programa maliklikan ti panagwaras iti rabies, maysa a napeggad ken mapatay a virus a maiyak-akar babaen iti kagat iti ayop.
Maguygoyugoy dagiti pet owner nga itugot dagiti taraken nga aso ken pusa kadagiti naituding a barangay para iti libre a bakuna.
Sigun iti abiso iti nasao nga opisina, saan a mabalin a mabakunaan dagiti ayop nga awanan pay iti tallo ti bulanna, agdadagsen, ken addaan iti sakit.
Maitunos iti City Ordinance No. 19-2021, amin nga aso nga agtawen iti tallo agpangato ket kasapulan a nakarehistro iti barangay wenno iti City Veterinary and Agriculture Office (CVAO), nga addaan iti registration fee a ₱50 tunggal aso.
Agtultuloy ti panawagan iti publiko a makikaykaysa tapno magun-od ti panggep iti siudad a rabies-free community.
