Nangipilan iti Office of the Ombudsman iti kaso a plunder iti Sandiganbayan kontra kenni Sen. Rodante Marcoleta seknan iti mapapati a saanna a panangideklara iti P75 milion a campaign contributions iti 2025 Statement of Contributions and Expenditures (SOCE) daytoy.
Napilaan metlaeng da sigud a Congressman Michael Defensor ken dagiti negosiante a da Joseph Varias Espiritu ken Aristotle Baluyut Viray iti plunder, indirect bribery, ken panaglabsing iti linteg a mangipawpawil kadagiti opisial iti gobierno nga umawat kadagiti sagut.
Sigun iti Ombudsman, inaklon ni Marcoleta a nakaawat daytoy iti P75 milion campaign donations ngem saan a nailista iti SOCE ken SALN daytoy.
Impaganetget dagiti prosecutor a naaddaan iti mapapati a saan a nainkalintegan a kinabaknang ni Marcoleta.
Kabayatanna, pinaglibakan ni Marcoleta dagiti akusasion ken kinunana a paset laeng dagitoy iti mapapati a panangpadasda a patalnaen isuna.
