Impaganetget ti Office of the Ombudsman a naibasar iti ebidensiya ti kaso a plunder kontra kenni Senador Rodante Marcoleta.
Inyunay-unay ti Ombudsman nga inaklon mismo ti senador a nakaawat iti cash donations nga agatad iti P75 million.
Sigun iti nasao nga ahensiya, ti donasion nga inawat ni Sen. Marcoleta ket saan nga innayon ti senador iti Statement of Assets, Liabilities and Net Worth (SALN) ken Statement of Contributions and Expenditures (SOCE) daytoy.
Maipalagip nga immuna a kinuna ti Marcoleta nga “utang na loob” ti donasyon nga inawatna.
Nupay kasta, impetteng ti Ombudsman a rumbeng nga awan ti “utang na loob” ti maysa a public servant iti siasino man a donor.
Inlawlawag ti ahensiya nga iti oras a ti “utang na loob” ket maaramat tapno makaleban ti P75 million a naawat ni Marcoleta, saanen daytoy nga “utang na loob” no diket maysa a krimen.
Sigun iti Ombudsman, daytoy ti rason isu’t gapuna a naaramid ti plunder ken bribery laws iti Pilipinas.
Inyunay-unay ti Office of the Ombudsman a ti kaso ni Marcoleta ket nangtingnay iti protesta ken raraemenna ti tunggal maysa a mangiyebkas iti kapanunotan ken mangisayangkat iti natalna a panagtitipon.
Nupay kasta, kiniddawna a palubusan a agserbi a basaran ti linteg ken ebidensia iti panangikeddeng iti kaso kontra iti senador.
