--Ads--
Impaganetget ti kampo ni Vice President Sara Duterte a saanen a kasapulan ti arraignment ti bise presidente iti impeachment trial.
Sigun iti depensa, umdasen ti panangilawlawagda iti benneg dagitoy iti Senado.
Inlawlawag ni Atty. Michael Poa, spokesperson ti defense team ni VP Sara a nakapokusda laengen ita iti panagsagana ti depensa.
Innayon ni Poa a saanna pay a nakasarita ti Bise Presidente maipapan iti umuna nga aldaw ti impeachment trial.
Kabayatanna, saan a direkta a sinungbatan ni Lead defense counsel Atty. Shiela Sison no agtalek a kabaelanna nga idepensa ti kaso ni VP Sara.
Nupay kasta, kinunana nga ar-aramidenda amin a kasapulan a trabaho dagitoy.
