Inyunay-unay ni House prosecution panel spokespersons Atty. Benjamin Tolosa a ti panaglusulos ni Vice President Sara Duterte ket saan a mangpunas ti accountability-na wenno automatiko a mangpasardeng iti impeachment proceedings.
Sigun kenni Atty. Tolosa, dua ti posible a pagbanagan ti impeachment iti kanito a masentensiaan ti bise presidente, maysa ditoy ti pannakaikkatna iti posision ken ti perpetual disqualification wenno saanen a mabalin nga agiggem iti opisina ti gobierno.
Inlawlawagna a maibasar iti Supreme Court (SC) ruling, saan a nagpatingga ti proseso iti panagresign agsipudta, agtaltalinaed paylaeng ti pannakaipaay ti dusa.
Sigun pay kenni Tolosa, ad-adda pay nga agaplikar ti ruling iti impeachment case ni VP Duterte gapu iti kinadagsen dagiti alegasion.
Kabayatanna, kinunana ni Lanao del Sur Rep. Zia Alonto Adiong a mabalin a pilien ti opisial ti gobierno nga ag-resign, ngem saan a mabalin nga opsional ti panagsungbat.
