Nakemmeg ti maysa a lalaki, agtawen iti 65, painter, agdama a residente ti Purok 3, Barangay Lower Quirino Hill, Baguio City ken mabigbigbig kas maysa High Value Individual (HVI) PDEA Target List iti Regional Level (Top 10 )ita nga aldaw saiday Brgy Poliwes, Baguio City.
Nakemmeg daytoy babaen iti buy-bust operation nga impatungpal ti Philippine Drug Enforcement Group Special Operations Unit Cordillera Administrative Region.
Nakumpiska manipud iti suspek ti heat sealed transparent plastic sachet a naglaon iti agarup lima a gramo iti maatap a shabu nga addaan Standard Drug Price a P34,000. 00 (Subject of Sale).
Bayat iti panangkapkapda iti suspek, naala kenkuana ti maysa a pakete t Marlboro a sigarilyo ngem idi lukatanda daytoy ket naglaon daytoy iti agarup trese a piraso ti heat sealed transparent plastic sachet a naglaon iti maatap a shabu.
Malaksid iti dayta, naala pay ti dua a piraso ti heat sealed transparent plastic sachet manipud iti bulsa ti sweater ti suspek.
Amin dagiti 15 a piraso ti heat sealed transparent plastic sachet a naala (possession) manipud iti suspek ket addaan iti pakabuklan a timbang nga agarup 50 a gramo ti maatap a shabu nga addaaan iti SDP a P340.000.00.
Nakumpiska metlaeng manipud iti suspek ti maysa a piraso ti pudno a Five-Hundred-Peso bill a naaramat kas buy-bust money; 27 a piraso ti peke a Five-Hundred-Peso (500) bills a naaramat kas boodle money; maysa a keypad phone, maysa a touchscreen phone, maysa a kaha ti sigarilyo a naikabilan ti sumagmamano a maatap a shabu; ken maysa nga sling bag.
Balligi ti nasao nga operasyon babaen iti operatiba ti PNP DEG SOU CAR (lead unit), PDEA CAR Baguio-Benguet Provincial Office, Regional Police Drug Enforcement Unit (RPDEU) Police Regional Office CAR, City Drug Enforcement Unit (CDEU) Baguio City, Land Transportation Interdiction Unit (LTIU) CAR ken Baguio City Police Office Police Station 8 (BCPO PS 8)
Kabayatanna, naiturnover metten ti suspek iti Baguio City Police Office Police Station 8 para iti temporaryo a kustodiya daytoy. Posible a sumango daytoy iti panaglabsing iti RA 9165.
Maturnover met iti Regional Forensic Unit (RFU) CAR, Camp Major Bado Dangwa, La Trinidad, Benguet dagiti nakumpiska a drug evidences para iti Qualitative Examination bayat a maipasidung met iti kustodiya ti PNP DEG SOU CAR dagiti non-drug evidence para iti umno a dokumentasyon ken disposisyon. // Bombo Noveh
