Nangiruaren ti Korte Suprema iti show cause order kontra kada Quezon City 4th District Representative Bong Suntay ken Atty. Ferdinand Topacio gapu iti saan a nasayaat a komentoda iti TV host a ni Anne Curtis-Smith ken kabsat daytoy a ni Jasmine Curtis-Smith.
Binilin dagitoy ti Korte nga agpallawag no apay a saan dagitoy a mapatawan iti disbarment.
Maipalagip a nagbalin a isyu ti nagbalin nga statement ni Suntay idi Marso 3 ita a a tawen kabayatan iti panangipaayna iti manifestation iti panagdengngeg ti House Committee on Justice iti impeachment complaint kontra kenni VP Sara.
Kabaytanna, nakaawat met ti pammabalaw ni Topacio kalpasan a tinalantanna ti isyu ni Suntay iti maysa a radio program idi Marso 5 no sadino inramanna ti kabsat ni Anne a ni Jasmin Curtis-Smith.
“Kayong mga artista, mga ganyan, ikaw, Jasmine, bakit ka nagpo-post ng bikini pictures mo sa social media, sa mga pahayagan—hindi ba para ikaw ay pagnasahan, para ikaw ay sumikat?” insawang ni Topacio.
Sigun iti inpaulog ti Korte Suprema a resolusyon, naipaayan ti 10 nga aldaw da Suntay ken Topacio tapno mangisumitirda ti bukodda a komento.
Binilin metlaeng ti Korte ti Office of the Bar Confidant a mangisumitirda kadagiti updated list dagiti administrative case a naipila kontra kada Suntay ken Topacio.
Iti agdama, awan pay laeng ti statement wenno komento da Suntay ken Topacion seknan iti nasao nga isyu. //bombokaren.c.sapirao
