Naarestar ti maysa a lalaki nga agtawen iti 24, awanan trabaho, residente ti Barangay Calaba, Bangued, Abra, ken maysa a High Value Individual (HVI), babaen iti buy bust operation a naipatungpal itay parbangon idiay Brgy. Lingtan, Bangued, Abra.
Nakumpiska manipud iti suspek iti uppat a piraso ti heat sealed transparent plastic sachets a naglaon ti maatap a shabu nga addaan timbang nga agarup 12 gramos ken adaan Standard Drug Price (SDP) nga P81,600. Amin dagitoy agpapada a subject of sale.
Malaksid iti dayta, nakumpiska metlaeng ti sumagmamano a non-drug evidences kas iti maysa a piraso ti pudno a P500 bill, 139 piraso a fake P500 bill a naaramat kas boodle money, maysa a piraso a P100 bill , maysa a piraso ti kaha ti sigarilyo ken maysa a selpon.
Balligi ti nasao nga operasyon babaen iti operatiba ti Philippine National Police Drug Enforcement Group Special Operation Unit Cordillera Administrative Region (PNP DEG SOU CAR) (Lead Unit), Provincial Drug Enforcement Unit Abra, Provincial Intelligence Unit Abra, Regional Intelligence Unit (RIU) 14, Regional Intelligence Division Police Regional Office Cordillera Administrative Region (RID PRO CAR), Philippine Drug Enforcement Agency (PDEA) Abra, 1504th Maneuver Company (MC) Regional Mobile Force Company (RMFB) 15 ken Bangued Municipal Police Station.
Naiturn-over metten ti suspek idiay Bangued Municipal Police Station (MPS) para iti temporaryo a kustodiya bayat a dagiti met nakumpiska a drug evidences ken naiturnover idiay Abra Provincial Forensic Unit para iti laboratory examination.
Kabayatanna, dagiti non-drug evidence ket adda meten iti kustodiya ti PNP DEG SOU CAR para iti umno a disposisyon ken dokumentasyon.//Bombo Noveh Organo
