Binalakadan ni Ombudsman Jesus Crispin Remulla dagiti amin a government officials a liklikanda ti ‘conflict of interest’ nu addada iti public office ken agpilida laengen nu negosyo wenno politiko.
Inwaragawagna daytoy iti baet ti mannarimaan nga imbestigasyon ti Ombudsman kadagiti sumagmamano a mammanday-linteg.
Kagiddan dayta, imbinglay ni Assistant Ombudsman Mico Clavano nga mannarimaan ti panangimbestigarda iti dua a mammanday-linteg gapu kaso a graft gapu iti maatap a pannakipasetda iti construction business bayat iti panagserbida kas public official.
Innagananda dagitoy a da Uswag Ilonggo party-list Representative Jojo Ang ken Tarlac Third District Representative Noel Rivera.
Kanayonanna, agarup walo pay a contractor ti maaatap a maimimbestigaran gapu iti maatap a pakainaiganda iti flood control scandal iti pagilian. //bombokaren.c.sapirao
