Agtaltalinaed pay laeng ti panagbarikada dagiti residente ti Barangay Guinaoang ken Bulalacao idiay Mankayan iti dalan tapno saan a makauneg dagiti drilling equipments ti maysa a dakkel a mining corporation iti drilling exploration idiay Sitio Colocol ken Caew.
Iti pannakiuman ti Bombo Radyo kenni “Mhatotz”, maysa a residente ti Mankayan, emosyonal nga imbinglayna dagiti mannarimaan a sitasyon dagiti residente idiay a makipaspaset iti barikada.
Sigun kenkuana, adda dagiti inna ken senior citizens a makitugtugaw tapno laeng ipakitada ti suportada iti barikada.
Kagiddan dayta, imbinglayna nga adda pay laeng dagiti truck ti nateng dagiti mannalon a nakabarikada iti kalsada tapno saan a balligi a maiyuneg dagiti drilling equipments iti drilling exploration idiay Sitio Colocol ken Caew.
Inladawan pay daytoy nga nagsasango dagiti truck dagiti mannalon ken dagiti drilling equipments a panggepda nga iyuneg.
Sigun kenkuana, agtuloyda latta nga agbarikada sadiay tapno saan a makauneg dagiti drilling equipment a panggep nga iyuneg ti nasao a mining company. //bombokaren.c.sapirao
