Inwaragawag ni private prosecutor, Atty. Lorna Kapunan a saanen nga ipresenta ti House Prosecution panel ni Atty. Zuleika Lopez, Chief of staff ti Office of the Vice President.
Nagdesisyon ti House Prosecution panel a saanda nga ipresenta ni Atty. Zuleika Lopez kabayatan ti trial days iti impeachment trial ni VP Sara Duterte.
Iti mensahe ni private prosecutor Atty. Lorna Kapunan, kinunana a saandan nga ipresenta ni Lopez agsipudta inaklon mismo ti abogado ti depensa a ni Atty. Mark Vinluan dagiti banag a makompirmar kuma kenni Atty. Lopez.
Sigun kenni Atty. Kapunan, namin-adu nga inadmitir ti abogado ti Depensa a ni Atty. ni Vinluan ti impormasyon kasapulanda.
Gapu iti dayta, inkeddeng ti panel a saandan a kasapulan ti testimonya ni Atty. Lopez.
Malaksid kenni Lopez, saanda metlaeng nga ipresenta ti panel ni Capt. Belinda Bello.
