Impetteng ti maysa a private prosecutor a maaramat latta dagiti testimonya ken ebidensiya a naiparang iti impeachment court kontra kenni Vice President Sara Duterte.
Daytoy ket iti baet a naikkat dagiti sumagmamano a paset ti impeachment article.
Sigun iti miembro ti prosecution panel a ni Atty. Benjamin Tolosa, adda ti pending plunder complaint kontra kenni Duterte iti Office of the Ombudsman mainaig iti pannakaaramat ti confidential funds.
Sigun met kenni House prosecution adviser Ace Barbers, umdas ken nadagsen ti alegasyon, kasta met ti testimonya dagiti testigo a mangsuporta iti posible a pannakaipila ti kaso iti Sandiganbayan.
Kabayatanna, impeksa ti kampo ni Duterte a saan a mabalin a maidarum daytoy iti korte bayat ti panagserbina kas bise presidente ken impeachable officer.
