Impetteng ti kampo ni Vice President Sara Duterte a saan nga umdas ti Media interviews ken press conferences, tapno masungbatan dagiti alegasyon seknan iti grave threats ken confidential funds kontra iti bise presidente.
Daytoy ket kalpasan nga inikkat ti Senate impeachment court ti sub judice rule iti tallo nga articles of impeachment.
Sigun kenni defense spokesperson Michael Poa, panggepda latta ti mangisubmitir iti ebidensia ken mangidatag kadagiti testigo iti korte tapno maammuan ti publiko ti sibubukel a kinapudno.
Maipalagip a kalpasan ti 38 nga aldaw a panangidatagda kadagiti testigo ken ebidensia, pormal nga inikkat ti prosekusion dagiti alegasion a kas iti maatap a saan nga umno a pannakaaramat ti confidential funds, ken grave threat kontra iti bise presidente.
Kabayatanna, agsubli ti impeachment trial inton Nobiembre 9, kalpasan ti deliberasion ti Senado iti naisingasing a 2027 national budget.
