Nangisayangkat iti courtesy visit iti Games and Amusements Board (GAB) ni reigning ONE Strawweight MMA World Champion Joshua “The Passion” Pacio kasaruno iti naballigi a panangidepensana iti world title daytoy iti ONE Championship.
Inawat met ni GAB Chairman Atty. Francisco J. Rivera ken dagiti opisial iti GAB Boxing and Other Contact Sports Division kas panangbigbig iti balligina kalpasan nga inabakna ni Russian challenger Mansur Malachiev iti first-round rear-naked choke submission iti ONE Championship: The Inner Circle 21 idiay Bangkok, Thailand.
Pinadayawan ni Rivera ni Pacio iti pananggun-odna manen iti pammadayaw para iti Pilipinas.
Tinalantan metlaeng ni Pacio ken ti bunggoyna ti kinapateg iti scientific training, umno a nutrision, nasayaat a hydration, ken natalged a weight-cutting practices para iti salun-at.
