Ginugugoy iti Department of Justice-Cordillera (DOJ-CAR) dagiti person with disability (PWD) nga ireport ti aniaman a panaglabsing kadagiti karbenganda, ken nagballaag a mabalin a responsable dagiti aglabsing iti kaso a kriminal ken administratibo.
Sigun kenni Associate Prosecutor Christian Amistad, karaman kadagiti panaglabsing a nakalanad iti Magna Carta for Persons with Disabilities ti diskriminasion, panangkedked kadakuada iti trabaho, saan a panangipaay iti mandatory discounts, ken kinaawan iti accessible facilities.
Pinalagipan ni Amistad dagiti PWD nga agturongda iti Philippine National Police, Public Attorney’s Office, Integrated Bar of the Philippines, wenno iti Office of the City Prosecutor tapno mangipila iti reklamo.
Impakaamona a mangisaysayangkat ti piskalya iti inisial nga imbestigasion sakbay a mangipila iti kaso iti korte.
Ginuyugoyna metlaeng dagiti PWD a mangala iti PWD ID manipod iti lokal a gobierno tapno maaramat dagiti benepisio a nadakamat iti linteg.
