Inwaragawag ni sigud a Quezon City Vice Mayor Jose “Jopet” Sison a pimmusayen ti amada ken ti beterano nga abogado a ni Jose C. Sison iti edad na nga 88.
Iti social media post, imbinglay ni Jopet Sison a pimmusay ti amana a sitatalna itay bigat, Hulio 23, 2026.
“This morning, July 23, 2026, our Papa Ping peacefully joined our Creator. We are comforted that he lived a full life as a lawyer, a husband to Josie, a father to his six children, and a grandfather to his sixteen grandchildren. Please keep him in your prayers and remember him with love and fond memories,” sigun kenni Jopet Sison.
Iti agdama, saan paylaeng a naiwaragawag ti rason iti ipupusay ti ama dagitoy.
Mangrugi ti lamay inton Biernes, Hulio 24, iti Ascension Chapel ti Immaculate Conception Cathedral sadiay Cubao, Quezon City.
Naituding a maitabon ni Sison inton Martes, Hulio 28, iti Heaven’s Gate 1 Memorial Park iti Antipolo City.
Manamnama nga ipakaammo ti pamilia ti eksakto nga oras ti pannakaitabon daytoy.
Naipasngay ni Sison idi Abril 7, 1938 no sadino, mabigbigbig kas maysa kadagiti mararaem nga abogado iti pagilian.
